REC Shqipëri, në kuadër të projektit “EJA: Environmental Justice in Albania” financuar nga Bashkimi Evropian, kërkon të kontraktojë një ekspert për pozicionin “Drejtues Ekipi” që do të koordinojë punën e grupeve që do të zhvillojnë kapitujt e raportit “Cap and Gap: Grey Crime and Green Justice in Albania” dhe do të konsolidojë materialin në një raport përfundimtar. Raporti do të analizojë punën e strukturave ligj-zbatuese dhe atyre të drejtësisë në trajtimin e kundërvajtjeve mjedisore në qarqet Tiranë, Elbasan dhe Korçë, duke identifikuar hendeqet dhe duke ofruar rekomandime konkrete për përmirësim.

Raporti do të përbëhet nga kapituj të veçantë që analizojnë:

• Rolin e Policisë së Shtetit në mbrojtje të mjedisit
• Rolin e Prokurorisë në investigimin e krimit mjedisor
• Rolin e Gjykatave në garantimin e drejtësisë mjedisore
• Rolin e mediave në denoncimin dhe investigimin e krimit mjedisor (hartuar nga BIRN Albania)

Objektivat e detyrës

• Garantimi i një qasjeje të unifikuar, metodologjikisht të saktë dhe të bazuar në evidenca për hartimin e raporteve
• Sigurimi i sinkronizimit ndërmjet grupeve të ekspertëve dhe kontributit efektiv në analizën përfundimtare
• Integrimi i të gjithë kapitujve në strukturën e përgjithshme të raportit
• Propozimi i mekanizmave për matjen e progresit dhe zbatimin e rekomandimeve

Përgjegjësitë kryesore

Drejtuesi i Ekipit do të:

• Mbajë seanca informuese dhe trajnuese me grupet e ekspertëve
• Ofrojë udhëzime për terminologjinë dhe metodologjinë e unifikuar
• Zhvillojë strukturën e detajuar për kapitujt
• Mbikëqyrë punën e grupeve për të garantuar përputhshmërinë e të dhënave
• Organizojë takime të rregullta koordinimi dhe raportimi
• Rishikojë produktet e punës dhe integrojë përmbajtjen në raportin përfundimtar
• Marrë pjesë në aktivitete trajnimi me OSHC-të dhe përfaqësuesit e mediave

Kualifikimet dhe përvoja e kërkuar

• Arsimi: Diplomë universitare e avancuar (Master ose më e lartë) në Drejtësi
• Përvoja profesionale:
  • Minimumi 7 vite përvojë në projekte ligjore, drejtësi mjedisore ose qeverisje
  • Përvojë e demonstruar në drejtimin e ekipeve ndërdisiplinore
  • Njohuri të mira mbi legjislacionin mjedisor dhe strukturat institucionale të Shqipërisë
• Aftësitë dhe kompetencat:
  • Aftësi të shkëlqyera organizative dhe menaxhuese
  • Aftësi të forta komunikimi dhe ndërpersonale
  • Aftësi të shkëlqyera komunikimi me shkrim dhe verbal në anglisht dhe shqip
  • Aftësi për të punuar nën presion dhe për të përmbushur afate të ngushta

Kohëzgjatja e detyrës

Detyra do të fillojë menjëherë pas përzgjedhjes së kandidatit dhe do të përfundojë me dorëzimin e raportit final “Green Justice and Grey Crime in Albania”.

Procedura e aplikimit

Kandidatët e interesuar ftohen të dorëzojnë dokumentet e mëposhtme në adresat projects@recshqiperi.org dhe recshqiperi@gmail.com deri më 28 mars 2025:

1. Curriculum Vitae (CV) që përshkruan kualifikimet dhe përvojën relevante
2. Plani i Propozuar i Punës që tregon disponueshmërinë, metodologjinë dhe afatin kohor paraprak
3. Letër Motivimi që shpjegon qasjen ndaj koordinimit dhe konsolidimit të raportit
4. Propozim Financiar që të cilësojë tarifën ditore të punës